4 i 1 – concealer, foundation, pudder og UV–beskyttelse. Oljefritt lauspudder med reine og finknuste mineral som gjev ein jamn hudoverflate med fantastisk glød. Bredspektret UV-beskyttelse og vannresistent opptil 40 minutt.

Varme, kalde og nøytrale farger

Me delar fargar inn i varme, kalde og nøytrale. Kva fargar du kler best er avhengig av hudtonen din. Har du ein kald undertone i huda vil du kle kaldare fargar, men har huda di ein varm undertone vil du kle varme fargar best. Nokon har ein nøytral hudtone (ofte olivenfarga) og dei vil ofte kle både kalde og varme fargar.

Brukar du feil fargar kan du ende opp med å sjå grå og sliten ut, medan dei rette fargane vil tilføra liv og gjera at du ser betre ut. Huda kjem betre fram og får ein naturleg glød. Dette gjeld både klær og makeup.

 Finn din undertone

Eit tips for å finna undertonen i huda di er å sjå på blodårene på underarmen din, nærast håndleddet – er dei blå eller grøne? Blå årer indikerar at du har ein kald undertone, medan grøne årer visar til ein varm undertone. Nokon har båe deler, og vil då kle ein kombinasjon av både varme og kalde fargar. Du kan sjekke kva du kler best av sylv eller gull. Kler du sylv best, er du kald i fargane. Kler du best gull, har du ein varm undertone.